اشهر 3 انواع للمقابلات الشخصية وكيفية التصرف فيهم

3 انواع واشكال من الانترفيوهات اللى فى الغالب بتحصل ذكرت فى السابق الانترفيو الجماعى نشوف الباقى بيتكلم عن ايه

1 -" الانترفيو النورمال "
الى بيمسك فيه السى فى بتاعك كدا ويقولك سمعلى او بيسالك عادى او انت بترد.

2 - الانترفيو الاسترس

الانترفيو الاسترس ودا الانترفيور بيبقى مديلك وش خشب ومش بيبتسم خالص وبتحس انك هتاخد الوظيفه من حد عنده فى العيلة مثلا. وحل الانترفيو دا انك تدخل مبتسم وطول الوقت مهما عملك كدا ابتسم برضه حتى لو سئلك اسئلة رخمه او مثلا قالك انت شايف نفسك احسن من الباقيين عشان اشغلك او اقنعنيى انك كويس. انت لازم تبتسم وتفهمه انك اكيد مش احسن من اللى قبلك او انك متعرفش كل واحد تقييمه ايه بعد الجمله دى بقا ابدا اتكلم عن نفسك انت والكويس الى فيك ودا هيخليه يعرف من جواه انت احسن فى ايه بس بطريقه غير مباشره. تانى حاجه فى الاسترس انترفيو انك اول متدخل حاول تشيل لوح التلج الى هو عامله بينه وبينك عشان تعرف تتكلم فابدا كلامك بجمله تشكره فيها انك معاه النهارده او انك مبسوط بمعرفته وابتسم وانشكح وتعالة على نفسك شوية ياما بنقابل

3 - الانترفيو الفانى : Funny

ده بقا اللى بيبقا فانى او بيقعد يهرج معاك فيه وطبعا انت بتبقى متخيل انه حد كول وهيشغلك بس هو لئيم وخبيس وبيعمل كدا عشان يشوف اخرك ويشوفك لما بتفرد اوى ممكن تعمل ايه وطبعا اى حد فينا وهو بيهزر بيبقى على طبيعته فطبيعى ممكن تغلط.
لازم تخلى بالك من كلامك ومش تنسى انك مع انترفيور

وخللى بالك ان زى ماالانترفيو صعب عليك وبتخاف منه هو صعب عليه اكتر لان هو الى فى ايده يشغلك او لا يعنى لو حس انك كويس ومشغلكش هو كدا قطع عيشك واكيد محدش بيرضى بده.
كمان مش تدخل الانترفيو على انه ديبيت او مناظره بينك وبينه لان انت الى هتخسر لانها مش حرب ولو كانت حرب هو الى هيكسب لان هو اكيد اعلى منك لكن الانترفيو دا محادثه عاديه بينك وبينه عن الوظيفه وانك تقنعه انك فيك المواصفات اللى هما عاوزينها.

بالتوفيق ان شاء الله

 المصدر  : مدونتى  http://blogg-y.blogspot.com/ الكاتب : quik connect