اشهر المشاكل اللى ممكن تقابلك فى الامقابلة الشخصية وكيفيه مواجهتها

سئلت قبل كده عن ايه اكتر المشاكل اللى بتقابلكم فى المقابلة الشخصية " الانترفيو " ؟ فى اللى رد وقال الخوف والتردد والثقة وان اللى بيعمل الانترفيو بيتكلم عربى وبعد كده بيتحول لاانجلش وبتحس بارتباك واللى (بتبقوا عايزين تقولوله ما انت كنت ماشى كويس ) طيب الموضوع سهل وبسيط هخليك تتغلب على كده ازاى كتير من الناس خسروا فرص العمل في وظائف يستحقونها 100% بسبب خوفهم أو ترددهم أو قيامهم بعدة حركات لا يجب القيام بها مش بقولك هغير شخصيتك او اشيل الخوف منك هقولك بعض الحيل إذا صح التعبير للتغلب على ملامح الخوف والتردد

قبل يوم المقابلة حاول تفتح السى فى بتاعك وتشوف ايه اللى ناقص فيه وتراجعه وتذاكره كويس وتحفظ ال ( cover letter ) كويس جدا

2- لو اول مرة جتلك فرصة المقابلة او تانى مرة ايا كان وقتها حاول ان تقوم بعمل بروفة صغيرة ازااااااااااى. تخلى اخوك او اختك او حد صديقك يعمل معاك الانترفيو ويسئل الاسئلة الى بتيجى فى الانترفيو من قدم نفسك والباقى انتوا على علم به بكده هتكون خففت عبء عليك وهتحس ان الموضوع سهل وبسيط لما يجى وقت المقابلة. درب نفسك على كده مرة فى مرة مش هتحتاج تعمل البروفة دى

3 - أحذر من الحركات العصبية التي بتظهر عليك علامات التوتر طقطقة بالأصابع أو التنفس بضيق أو فرك اليدين.

4 -عند الإجابة عن الأسئلة المطروحة لا تقم بحركات كفرك العين أو الأنف أو ملامسة الوجه لأنها تدل على الكذب حتى لو كنت صادقاً أو بحاجة إلى فرك عينيك أو ذقنك عليك تأجيل الأمر لوقت لاحق.

نيجى بقا تحويل اللى بيعمل الانترفيو من عربى لاانجلش

انت قاعد/ ة فى البيت من غير شغل ووقت فراغ كبير ومفيش امكانيات تروح تاخد كورس وتدفع فلوس ما الحاجة دى موجودة ببلاش على النت وانت مكسل/ ة ان تدخل وتزود معلوماتك هتستفاد فيه اللى بيبقا صوت وصورة اطلع عليها بجد هتستفاد بس هى جزءية الكسل وتكبير الدماغ واللى بيقول خليها على الله ماشى بس ما ترميش حملك كله على ربنا لازم انت تشيل الحمل ده معاه برضه وكله راجع ليك/ي درب حواسك انك تسمع انجلش كتير.

بالتوفيق ان شاء الله